Kalaboso ang inabot ng 3 aktibong Pulis na sangkot sa iba’t ibang kaso tulad ng Pangongotong, Pagnanakaw at Sexual Harrasment.
Ito’y kasunod ng ikinasang entrapment operations ng Philippine National Police – Integrity Monitoring and Enforcement Group (PNP-IMEG) laban sa mga Pulis na nakatalaga sa Palo Municipal Police Station sa Leyte.
Kinilala ni IMEG Director, P/BGen. Oliver Enmodias ang 3 naarestong pulis na sina Police Staff Master Sgt. Alex Garciab Asis, Police Staff Sgt. Raffy Mendoza Retosar at Police Corporal Jerwin Neopus Dacillo.
Nag-ugat ang operasyon magreklamo ng pangingikil ang babaeng inaresto ng mga suspek nuong Oktubre nuong isang taon na sapilitan pang pinagsuot ng maikling shorts habang nakadetine.
Matapos na positibong tanggapin ang 6,000 pisong marked money ay dinakip at dinisarmahan na rin ang mga suspek na Pulis at agad dinala sa tanggapan ng CIDG Region 8 para sampahan ng mga kasong kriminal at administratibo. —sa ulat ni JaymarK Dagala (Patrol 9)
