Patay ang tatlong miyembro ng Abu Sayyaf Group na nakipag sagupaan sa mga sundalo sa Sulu.
Ayon kay Brigadier General Cirilito Sobejana, commander ng joint task force Sulu nagsasagawa ng security operations ang marine forces sa bayan ng Panamao nang makasagupa ang 20 bandido na nasa ilalim ni Radullan Sahiron.
Sinabi ni Sobejana na nai turn over na nila sa local government ang mga labi ng mga naturang bandido.
Wala namang nasugatan o nasawi sa panig ng gobyerno sa sampung minutong bakbakan ng dalawang puwersa.
