Patay ang tatlong drug suspects matapos na mauwi sa engkuwentro ang buy bust operations ng San Jose del Monte Bulacan Police.
Batay sa ulat ng pulisya, apat ang suspek na sakay ng motorsiklo ang dumating sa itinakda nilang tagpuan sa Vista Verde Subdivision sa Barangay Muzon San Jose del Monte City.
Gayunman, habang nagkakaroon umano ng negosasyon para sa bilihan ng droga, natunugan ng isa sa kanila na nakilalang si Elmer na mga pulis ang kanilang ka-transaksyon kaya’t bumunot ito ng baril.
Nagkaroon umano ng palitan ng putok na ikinasawi ni Elmer subalit nakatakas naman ang tatlong iba pa.
Gayunman, naharang ng blocking force ang tatlo kung saan muling nagkaroon ng engkuwentro na ikinasawi ng dalawa pa sa mga suspects habang nakatakas naman ang isa pa.
—-
