Nasagip ng PNP Anti Kidnapping Group ang tatlong dayuhan sa nadukot sa Guiginto Bulacan.
Kabilang sa mga nailigtas ay si Liu Xia isang Chinese National at dalawang Korean national na sina Park Pan Ho at Yeum Sun-Ki.
Ayon kay PNP-AKG Director Sr., Supt Glenn Dumlao natuntun ang mga biktima sa isang safehouse ng mga kidnapper sa Felville Subdivision sa Sta. Cruz, Guiginto.
Arestado naman ang anim na suspek na kinilalang sina Ernesto Marella, Alexander Dionisio, Jomar Dela Peña, Raymond Dela Peña, Ferdie Dionisio at Florida Dionisio.
Batay sa imbestigasyon, kumagat sa isang modus operandi ang mga dayuhang pawang mga casino players.
Paliwanag ni Dumlao ang naturang modus ng mga suspek ay magpapautang sila kapalit ng malaking interes at kapag hindi nakapag-bayad ang mga biktima ay kanila itong dudukutin at ipatutubos sa kanilang pamilya.
Malaking problema aniya talaga ngayon ng PNP- Anti Kidnapping Group ang naturang modus kung saan pumupwesto sa mga casino player ang mga suspek upang makapambuyo na umutang sa kanila ng malaking halaga.
