Patay ang 26 na bata habang 13 ang sugatan sa sunog sa isang paaralan Samaradi City, Niger, West Africa.
Itinuturing na isa sa pinakamahirap na bansa ang Niger kung saan ang mga gusali o classroom sa nabanggit na lugar ay gawa sa straw at kahoy dahilan upang madaling matupok ng apoy.
Inabisuhan naman ni Secretary General of the Niger Teachers Union, Issoufou Arzika ang mga union officials na maging alerto at alamin ang panganib na dulot ng straw at kahoy bilang materyales sa pagtatayo ng paaralan.
Samantala, nangako naman ang pangulo ng nasabing bansa na si Mohamed Bazoum na papalitan ang materyales at struktura ng naturang paaralan. —sa panulat ni Airiam Sancho