Hinuli ng mga awtoridad sa Caloocan City ang 22 mga indbidwal kabilang ang limang menor de edad dahil sa paglabag sa umiiral na curfew hours mula 10 ng gabi hanggang 4 ng madaling araw.
Ayon sa mga awtoridad, nahuli ang mga curfew violators sa bahagi ng Barangay 69.
Mababatid na ilan sa mga ito ay walang suot na face mask habang ang iba naman ay natyempuhan pang nag-iinuman.
Kasunod nito ay pagmumultahin ng tatlong P3,000 ang mga nahuling lumabag sa umiiral na curfew, habang ang mga menor de edad naman ay kinausap ang kani-kanilang mga magulang.
Kasunod nito, ay tiniyak ng Caloocan Police at Barangay Officials na nakasasakop sa naturang lugar na magpapatuloy ang kanilang pagpapatrolya at panghuhuli sa mga lumalabag sa umiiral na panuntunan.
