Inamin ng BOC o Bureau of Customs na aabot sa may 22 luxury vehicles ang kanilang pag-iingat sa kasalukuyan.
Ito’y ayon kay Customs Chief Isidro Lapeña ay bukod pa sa mahigit 30 sasakyang winasak ng BOC kamakailan kasabay ng kanilang anibersaryo.
Kabilang sa mga sasakyang nasa kostudiya ngayon ng customs ang mga high end sports cars tulad ng Ferrari, Mclaren, Lamborghini, Rolls Royce at Chevrolet Camaro.
Paliwanag ng Customs Chief, kasalukuyan aniyang humaharap sa iba’t ibang ligal na proseso ang mga nabanggit na mamahaling sasakyan at hinihintay pa nila ang magiging ulat mula sa MICP o Manila International Container Port.
Kasunod nito, tiniya ni Lapeña na agad siyang maglalabas ng warrant of seizure and detention sa sandaling makitaan ng probable cause para kunin at kumpiskahin ng pamahalaan ang mga naturang sasakyan.
Posted by: Robert Eugenio
