Nakatakdang pirmahan mamayang hapon ni pangulong Ferdinand “Bongbong” Marcos Jr. ang panukalang P5.268-T para sa 2023 National Budget.
Matatandaang dumating ang punong ehekutibo alas-6:00 kagabi mula sa limang araw na country visit nito sa Brussels, Belgium.
Una nang inihayag ni House Speaker Martin Romualdez na lalagdaan ni Pangulong Marcos ang naturang panukala pagkatapos ng ASEAN-EU Summit.
Ayon kay Romualdez, ang 2023 General Appropriations Bill (GAB), ang isa sa pinakamahalagang kasaysayan ng bansa sa ilalim ng administrasyong Marcos.
Inaasahang makatutulong ang pambansang pondo sa mga plano sa bansa ng punong ehekutibo para sa muling pagbangon ng bansa matapos padapain ng COVID-19 pandemic maging ng ibat-ibang uri ng kalamidad. —sa ulat ni Gilbert Perdez (Patrol 13)