Itinuturing na makasaysayan ng Commission on Elections o COMELEC ang katatapos lamang na barangay at Sangguniang Kabataan elections.
Ayon kay Comelec Spokesman James jimenez, ito ang unang pagkakataon na ipinatupad ang anti-dynasty provision para sa halalang pang-Sangguniang Kabataan.
Matatandaang isa ito sa dahilan kung bakit kakaunti lamang ang naghain ng certificate of candidacy sa SK elections.
Ipinagmalaki rin ni Jimenez na sa loob lamang ng 72 oras o mahigit 3 araw ay naiproklama na ang lahat ng mga nanalong kandidato.
Habang wala namang naitalang “failure of election” sa iba’t-ibang bahagi ng bansa.
—-
