LATEST NEWS

Monthly Archives

June 2026

Janet Lim Napoles humirit na mailipat sa kustodiya ng NBI

written by DWIZ 882

Nagpapalipat sa kustodiya ng NBI o National Bureau of Investigation si Janet Lim Napoles.

Ayon kay Atty. Stephen David, abogado ni Napoles, sumulat na sya sa Department of Justice o DOJ para mailipat sa NBI si Napoles matapos itong i-abswelto ng Court of Appeals (CA) sa kasong serious illegal detention.

Sinabi ni David na hindi na dapat nakakulong sa Correctional Institution for Women ang kanyang kliyente dahil para lamang ito sa mga sentensyado nang kriminal.

Kasabay nito, sinabi ni David na nais rin nilang mailipat sa NBI si Napoles upang makalahok sila sa diskusyon at pag-aaral sa planong gawing state witness sa pork barrel cases ang kanyang kliyente.

Janet Lim Napoles hindi bayani kundi isang criminal – Sen. Hontiveros

Tinawag na paglapastangan sa hustisya at pagpupugay bilang sa isang corrupt na tao ang di umano’y plano ng pamahalaan na gawing state witness si Janet Lim Napoles sa pork barrel scam.

Ayon kay Senador Risa Hontiveros, hindi bayani si Napoles kundi isang kriminal na utak ng sampung (10) bilyong pisong pork barrel scam.

Nagpahayag ng pangamba si Hontiveros na magamit si Napoles bilang political weapon para gipitin ang oposisyon.

Iginiit ng senadora na hindi dapat isakripisyo ng administrasyon ang katotohanan at hustisya na hangad ng publiko sa pork barrel scam para lamang bumuwelta o gumanti sa oposisyon.

Ombudsman nangangamba na makahirit ng house arrest sa Sandiganbayan si Janet Napoles

Nangangamba ang Office of the Ombudsman na makahirit ng house arrest sa Sandiganbayan si Janet Lim Napoles.

Ayon sa source ng DWIZ sa Office of the Ombudsman, dalawang (2) mosyon na ni Napoles na makapagpiyansa ang nakalusot sa Sandiganbayan.

Ito ay sa mga plunder cases kung saan ang kanyang kapwa akusado ay mga kongresista.

Sinabi ng source na posibleng isunod na ng mga abogado ni Napoles ang paghahain ng mosyon para sa house arrest sa mga dibisyon ng Sandiganbayan na dumidinig sa iba nyang plunder cases kung saan ang kanyang mag kapwa akusado ay sina dating Senador Juan Ponce Enrile, Jinggoy Estrada at Bong Revilla.

By Len Aguirre |With Report from Cely Bueno / Jill Resontoc

May 10, 2017 0 comment

Coach Freddie Roach parating na para sa mas pinatinding pagsasanay ni Pacman

written by DWIZ 882

COACH FREDIE ROACH

Nakatakda nang dumating sa bansa si Coach Freddie Roach, para opisyal na simulan ang pagsasanay ni Fighting Senator Manny Pacquiao.

Ayon sa report, plano ng Team Pacquiao na simulan ang training camp sa Gensan sa susunod na buwan, bilang paghahanda sa kaniyang laban kay Jeff Horn sa Australia sa Hulyo 2.

“In High Spirit” naman umano ang senador, sa pagsisimula ng kanyang pagsasanay.

By Katrina Valle

May 10, 2017 0 comment

Taktika sa war on drugs panahon na para muling pag-isipan at pag-aralan

written by DWIZ 882

Panahon na muling pag-isipan at pag-aralan ang taktika ng pamahalaan sa pag laban sa illegal drugs.

Mungkahi ito ni Senador Panfilo Lacson makaraang punahin ng apatnaput limang (45) mga bansang kasapi ng United Nations Human Rights Committee na may mali sa giyera kontra droga ng Duterte administration.

Ayon kay Lacson, pinatutunayan lamang nito na walang shortcut na paraan para solusyonan ang problema sa illegal drugs.

Kasabay nito ay iminungkahi rin ni Lacson ang pagpapatupad ng giyera kontra droga na walang hinahabol na deadline upang hindi ito maabuso ng mga pulis.

By Len Aguirre |With Report from Cely Bueno

May 10, 2017 0 comment

Bagong kalihim ng DILG at DFA pinangalanan na ni Pangulong Duterte

written by DWIZ 882

Pinangalanan na ni Pangulong Rodrigo Duterte ang bagong kalihim ng DILG o Department of Interior and Local Government.

Inanunsyo ng Pangulo ang appointment ni Armed Forces of the Philippines AFP Chief of Staff Eduardo Año bilang bagong DILG Secretary sa kanyang pre-departure media speech bago tumulak patungong Cambodia para sa World Economic Forum.

Nabakante ang nabanggit na posisyon matapos sibakin ni Pangulong Duterte si dating DILG Secretary Mike Sueno dahil sa alegasyon ng korapsyon.

Si Año, ang ika-apat na hepe ng militar na papasok sa gabinete ng adminstrasyong Duterte kasunod nina National Security Adviser Hermogenes Esperon, National Irrigation Administrator Ricardo Visaya at DENR Secretary Roy Cimatu.

Samantala, Itinalaga rin ni Pangulong Rodrigo Duterte si Senador Alan Peter Cayetano bilang susunod na kalihim ng DFA o Department of Foreign Affairs.

Sa kanyang departure speech bago tumulak sa cambodia, sinabi ng Pangulo na may mga kinakailangan lang na tapusin na trabaho si Cayetano na senado at pagkatapos nito ay uupo na siya bilang DFA Secretary.

Kinumpirma rin ng Pangulo na pirmado na niya ang appointment ni Cayetano.

Matatandaang ilang buwan na ring lumulutang ang mga balita na target rin ng mambabatas ang nasabing DFA post.

By Meann Tanbio

May 10, 2017 0 comment

Alyansa Tigil-Mina may pangamba sa pagkakatalaga kay Cimatu bilang DENR Secretary

written by DWIZ 882

JAYBEE GARGANERA ALYANSA TIGIL MINA FACEBOOK NILA GALING

Ikinabahala ng grupong Alyansa Tigil – Mina, ang pagtatalaga ni Pangulong Rodrigo Duterte kay General Roy Cimatu, bilang kalihim ng DENR o Department of Environment and Natural Resources.

Sinabi ni Alyansa Tigil – Mina National Coordinator Jaybee Garganera, ito ay dahil sa pagiging dating militar ni Cimatu at maaring marami pa itong kailangang pag – aralan pagdating sa mga usaping pangkalikasan.

Mainam din aniyang mabigyang linaw ang ilang kasong paglabag sa karapatang pantao sa Mindanao, noong 1980’s, gayun din ang pagbibigay proteksyon sa mga logging company.

“Meron hong pangamba kasi yung background niya po eh military. Dati po ay yung yumaong Reyes, hindi po maganda yung naging karanasan namin, sa pagkakaalam eh sila ang nag provide ng security sa mga company ng Alsons pero late 80’s po ito or early 90’s, tapos meron din po siyang mga records 70 plus na napatay na mga katutubo nung mga late 80’s ito, di pa siya Southern Command noon eh pero under niya po yung battalion na yun”, ani Garganera.

Sa kabila nito, nakahanda naman aniya silang bigyan ng pagkakataon si Cimatu na pamunuan ang DENR.

“Di po kami kumbinsido dun na ipapagpatuloy nya lahat ng sinimulan ni Gina Lopez pero sana nga eh ipagpatuloy niya ito, hindi po kami sarado na makipag-ugnayan sa kanya pero hanggat hindi niya po nailalatag yung mga programa niya, mga prayoridad niya, mananatili po kaming hindi kumbinsido”, bahagi ng pahayag ni Garganera sa panayam ng DWIZ.

By Katrina Valle | Balitang Todo Lakas (Interview)

Photo Credit: Alyansa Tigil-Mina Facebook Account

May 10, 2017 0 comment

Impeachment complaint vs Duterte nasa Kamara na

written by DWIZ 882

alejano 2

Nai-refer na sa House Committee on Justice ang impeachment complaint ni Magdalo Partylist Representative Gary Alejano laban kay Pangulong Rodrigo Duterte.

Ayon kay Committee Chairman Rey Umali, ang naturang reklamo ay agad nilang isasalang sa pagdinig sa susunod na linggo, upang malaman kung ito ay mayroong form and substance.

Una nang tiniyak ni Umali na mabilis na matatapos ang pagtalakay sa impeachment complaint laban sa Pangulong Duterte at ito ay target nilang matapos bago mag break ang sesyon sa Hunyo.

By Katrina Valle |With Report from Jill Resontoc

May 10, 2017 0 comment

AFP tiniyak na ligtas ang mga pasyalan sa Palawan

written by DWIZ 882

palawan

Tiniyak ng Armed Forces of the Philippines o AFP na ligtas ang mga pasyalan sa lalawigan ng Palawan.

Ayon kay General Restituto Padilla, spokesman ng AFP, nagpatupad na sila ng mahigpit na seguridad matapos magpalabas ng travel warning ang US Embassy dahil sa bantang pag-kidnap di umano sa mga dayuhang nasa Palawan.

Sinegundahan ng Western Mindanao Command o Wescom ang pahayag ni Padilla sa pamamagitan ng kanilang post sa Facebook na may hashtag na #palawanissafe.

Ayon sa Wescom, nananatili sila sa heightened alert upang tiyaking ligtas sa anumang banta ang mga lokal at dayuhang terorista na namamasyal at gustong makita ang isa sa mga pinakamagandang lugar sa buong mundo.

AFP blangko sa di umano’y plano ng mga terorista na mangidnap sa Palawan

Blangko ang Armed Forces of the Philippines sa di umano’y plano ng mga terorista na mangidnap sa Palawan.

Pahayag ito ni AFP Public Affairs Office Chief Col. Edgard Arevalo, matapos maglabas ng travel warning ang Amerika, United Kingdom at Canada para sa mga kababayan nilang magtutungo o kaya’y nasa Palawan na.

Gayunman, sinabi ni Arevalo na bagamat wala silang namomonitor na terorismo sa Palawan, hindi ito nangangahulugan na iba-balewala nila ang nasabing impormasyon.

Ayon kay Arevalo, hindi sila magdaragdag ng tauhan sa Palawan subalit magbabago sila ng taktika sa pagtugon sa banta ng terorismo.

By Len Aguirre |With Report from Aya Yupangco

May 10, 2017 0 comment

Jeff Horn mas pinatindi ang paghahanda laban kay Manny Pacquiao

written by DWIZ 882

Mas pinaigting pa ng kampo ni Australian boxer Jeff Horn ang paghahanda nito para sa kanilang pagtutuos ni Fighting Senator Manny Pacquiao sa Hulyo 2 sa Brisbane.

Ayon sa trainer ni Horn na si Glenn Rushton, umaabot na sa anim (6) na rounds ng sparring session kada araw ang kanilang ginagawa.

Maliban sa sparring partner na si Liam Paro, kanila pa aniyang inaantabayanan ang pagdating ni WBO Superfeatherweight Champion Vasyl Lomanchenko, na magiging ka-sparring niya sa mga susunod na araw.

By Katrina Valle

May 10, 2017 0 comment

Napoles posibleng gamitin para i-blackmail ang oposisyon

written by DWIZ 882

Maaari umanong gamitin ni Pangulong Rodrigo Duterte si Janet Lim Napoles para ma-blackmail ang nalalabing oposisyon sa Kongreso, at gawing tagasunod nito.

Ayon kay Senator Leila de Lima, mayroon siyang natanggap na impormasyon na nagpahiwatig na ang abogado ni Napoles na gagamitin ito laban sa kanya, dahil na rin sa umano’y pagiging selective niya noong siya ay kalihim ng Department of Justice o DOJ.

Tinutulan din ni De Lima ang ulat na maaaring gawing state witness si Napoles sa pork barrel scam dahil ito umano ang most guilty sa kaso at ang kanyang mga testimonyang nagtuturo sa ilang opisyal at mula lamang sa kanilang imahinasyon.

Aniya, ang mga pahayag lamang na nakitaan nila ng kredibilidad noon, ay ang mga pahayag ni Benhur Luy at ng iba pang whistleblower.

By Katrina Valle | with report from Cely Bueno (Patrol 19)

May 10, 2017 0 comment

VP Robredo biyaheng Japan para sa isang public forum

written by DWIZ 882

vp-robredo

Lumipad na patungo ng Tokyo Japan si Vice President Leni Robredo.

Mag-isa lamang namataan si Robredo na sumakay sa commercial flight.

Dadalo si Robredo sa dalawang araw na Global Summit of Women kung saan nakatakda siyang magbigay ng talumpati.

Ang pulong ay dadaluhan rin nina Japanese Prime Minister Shinzo Abe, Vietnamese Vice President Dang Thi Ngoc Thinh at iba pang kinatawan ng mga kababaihan sa iba’t ibang panig ng mundo.

Tatalakayin sa pulong may temang “Beyond Womenomics: Accelerating Access” kung paano na aabot ng mga kababaihan ang mga puwesto sa liderato ng mga korporasyon at ang iba’t ibang istratehiya na susuporta sa mga negosyong pinatatakbo ng mga babae.

By Len Aguirre | with report from Raoul Esperas (Patrol 45)

May 10, 2017 0 comment

Newer Posts

Older Posts