June 2026

Wala sa sampung ASEAN leaders ang nag-ungkat sa katatapos na  leaders  summit sa ginagawang militarisasyon at reclamation ng China sa South China Sea.

Ito’y kahit na may inilabas nang desisyon ang permanent court of arbitration na nagsasabing   saklaw ng Exclusive Economic Zone ng Pilipinas ang ilang bahagi ng South China Sea.

Ayon kay  Foreign Affairs Executive Director Zaldy Patron,  ito ang dahilan  kaya’t hindi naisama sa ipinalabas na chairman’s statement ni Pangulong Rodrigo Duterte ang usapin sa pangangamkam ng China.

Paliwanag ni Patron, nais ng ASEAN leaders na magkaroon muna ng mas malalim na pagninilay at diskusyon sa issue.

Iginiit ni Patron na noong nakaraang taon ay walang naging consensus ang ASEAN leaders kung kaya’t walang mapagbabatayan  ang mga ito ngayong taon sa usapin ng gusot sa mga pinagtatalunang teritoryo sa South China Sea.

Maging ang Malaysia at Vietnam  na mayroon ding claim sa South China Sea ay hindi naglakas loob na buksan ang issue sa halip ay sumentro ang usapin ng ASEAN leaders sa pagbuo ng framework ng  code of conduct sa pinag-aagawang karagatan.

By: Drew Nacino / Aileen Taliping 

Mas nanaig  ang  kampanyang  “Its  More  Fun in the  Philippines”    kaysa  pulitika  lalo na ang mga  negatibong  issue laban sa  kasalukuyang  administrasyon.

Ito’y makaraang  tumaas  ng 27.81 percent ang  bilang  ng  mga  turista  noong  Pebrero kumpara sa 22 percent  sa kahalintulad na panahon noong isang taon.

Ayon kay Presidential Spokesman Ernesto Abella,  ang  turismo ang  isa  sa  mga  nagpapalakas sa ekonomiya  kaya’t  nagpapatuloy ang pagsusulong  ng  mga  tourism  infrastructure  project  gaya  ng  paliparan, riles at kalsada.

Milyun-milyong   trabaho ang maibibigay  ng  mga nasabign proyekto  na  inaasahang  tatagal sa  loob  ng  limang  taon.

By: Drew Nacino / Aileen Taliping

Hindi mapipigilan ng China ang planong pagpapaganda ng pamahalaan sa Pag-asa Island na bahagi ng pinag-aagawang Spratly Islands.

Ayon sa Pangulong Rodrigo Duterte, bahala ang China kung ano ang pananaw nila sa gagawin nilang pagsasa-ayos sa Pag-asa Island.

Binigyang-diin ng Pangulo na bahagi ng obligasyon ng pamahalaan na isa-ayos ang mga istraktura sa Pag-asa Island na itinayo pa noong 1974 at ginagamit ng mga Pilipino.

P1.6-B ang inilaan ng pamahalaan para tayuan ng tourist destination at marine research facility ang Pag-asa Island.

Una nang sinabi ni Chinese Ambassador Zhao Jianhua na iligal ang planong ito ng gobyerno sa West Philippine Sea.

By Len Aguirre