Monthly Archives

June 2026

Pinsala matapos ang pag-atake ng NPA sa Davao umabot ng P2-B

By Len Aguirre |With Report from Aileen Taliping

May 4, 2017 0 comment

Duterte hinamon ng Kalikasan PNE na magtalaga ng kayang tumapat kay Gina Lopez

By Len Aguirre | Ratsada Balita (Interview)

Photo Credit: Kalikasan PNE Facebook Page

May 4, 2017 0 comment

Imbestigasyon ng Palasyo sa ERC Chair pinabibilisan ni Sen. Gatchalian

By Len Aguirre

May 4, 2017 0 comment

Puerto Rico nagdeklara na ng bankruptcy

By Len Aguirre

May 4, 2017 0 comment

Comprehensive tax reform package matagal pa bago maisabatas

May 4, 2017 0 comment

Ikalawang sunod na panalo kontra Raptors nasungkit ng Cavs

May 4, 2017 0 comment

China namagitan na sa tumataas na tensyon ng US at NoKor

May 4, 2017 0 comment

Isla ng Boracay planong gawing hollywood destination

May 4, 2017 0 comment

Hinihinalang miyembro ng Abu Sayyaf arestado sa Bohol

May 4, 2017 0 comment

Zamora kay Lopez: It is not just about passion

May 4, 2017 0 comment

June 2026

Halos umabot sa P2-B ang halaga ng napinsala sa pag-atake ng NPA o New People’s Army sa isang planta sa Davao.

Ayon kay Major General Rafael Valencia, commanding general ng 10th Infantry Division, kabilang sa mga nasira ang mga makinang ginagamit sa paggawa ng mga kahon na pinaglalagyan ng saging.

Maliban sa planta, apektado rin anya ang mga ibang nasa industriya ng saging dahil sa naturang planta sila bumibili ng kahon at plastic para sa kanilang produktong saging.

Tiniyak ni Valencia na may mga ginagawa silang hakbang upang hindi na maulit ang pag atake ng NPA.

National Security Policy na tatapos sa lahat ng armadong labanan kasado na

Kasado na ang National Security Policy na naglalayong tatapos sa lahat ng armadong labanan at matamo ang ganap na kapayapaan sa bansa.

Ayon kay National Security Council Chairman Hermogenes Esperon nakapaloob sa inaprubahang panuntunan ng Pangulong Rodrigo Duterte ang mga hakbang upang matiyak ang seguridad sa lahat ng panig ng bansa lalo na sa Mindanao.

Kasama rin sa mga tututukan ang seguridad ng buong ASEAN Region.

Hinamon ng isang grupong pangkalikasan ang Pangulong Rodrigo Duterte na magtalaga ng Department of Environment and Natural Resources o DENR Secretary na kayang tumapat sa kakayahan ni Secretary Gina Lopez.

Ayon kay Clemente Bautista, national coordinator ng Kalikasan People’s Network for the Environment o Kalikasan PNE, sa pamamagitan nito ay makakatiyak sila na maipagpapatuloy ang mga nasimulang reporma ni Lopez sa Department of Environment and Natural Resources.

Iminungkahi ni Bautista ang pagkunsulta ng Pangulo sa iba’t ibang sektor upang matiyak na isang maayos na tao ang mailalagay nito sa DENR.

Inihalimbawa ni Bautista ang mga anya’y, maaayos na appointees ng Pangulo tulad nina Agrarian Reform Secretary Rafael Mariano at Department of Social Welfare and Development o DSWD Secretary Judy Taguiwalo.

Pinabibilisan ni Senador Sherwin Gatchalian, chairman ng Senate Committee on Energy ang imbestigasyon ng Malakanyang kay Chairman Jose Vicente Salazar ng Energy Regulatory Commission o ERC.

Ayon kay gatchalian, dapat samantalahin ang syamnapung (90) araw na suspension kay Salazar upang mabilis na maisagawa ang imbestigasyon.

Si Salazar ay sinuspindi ng Malakanyang bunga ng kanyang mga kinakaharap na kasong administratibo tulad ng dishonesty at grave misconduct.

Nagdeklara na ng bankruptcy ang Puerto Rico matapos pumalo sa tinatayang isandaan at dalawamput tatlong (123) bilyong dolyar ang kanilang pagkaka-utang at obligasyon sa pensyon ng mamamayan.

Halos sampung (10) taon na ring nasa recession ang ekonomiya ng Puerto Rico at kamakailan lamang ay idinemanda na sila ng kanilang major creditors.

Ang deklarasyon ng bankruptcy ay magbibigay ng daan upang ma-restructure ang mga pagkakautang ng American territory.

Apatnapu’t apat na porsyento (44%) ng mamamayan ng Puerto Rico ang mahihirap at umaabot sa labing isang porsyento (11%) ang kanilang unemployment rate.

Mahaba pa ang lalakbayin ng CTRP o Comprehensive Tax Reform Package ng Duterte administration bago ito maisabatas.

Pahayag ito ni Congressman Joey Salceda makaraang makalusot na rin sa House Ways and Means Committee ang panukalang batas.

Ayon kay Salceda, mayroong apat na bahagi ang CTRP, una na rito ang libreng buwis para sa mga kumikita lamang ng dalawandaan at limampung libong piso (P250,000) kada taon at mas mababang rate sa sosobra sa naturang halaga.

Lilimitahan na rin sa labing dalawang (12) sektor ang bibigyan ng exemption sa VAT, at pagpataw ng excise tax sa produktong petrolyo at sa mga sasakyan.

Dadalhin na ang CTRP sa House Appropriations Committee para pag-usapan ang pondo bago dalhin sa plenaryo para sa panibagong deliberasyon.

Nagpahayag ng pag-asa si Salceda na maiaakyat sa senado ang tax reform package bago magbakasyon ang Kongreso.

By Len Aguirre | Ratsada Balita (Interview)

Nasungkit ng defending champion na Cleveland Cavaliers ang ikalawang sunod nilang panalo kontra Toronto raptors sa Game 2 ng second round ng NBA Playoffs.

Inilampaso ng Cavs ang Raptors sa iskor na 125-103.

Muling pinangunahan ni Lebron James ang opensa ng Cavs kung saan ay nakapagtala ito ng 39 points na sinundan naman ng dalawampung (20) puntos ni Kyrie Irving.

Ang game 3 ay gaganapin sa Sabado oras sa Pilipinas sa homecourt ng Toronto.

By Ralph Obina

Namagitan ngayon ang China sa tumitinding tensyon sa pagitan ng Amerika at North Korea.

Paki-usap ng China sa magkabilang panig, maging kalmado at tigilan na ang pag-uudyok sa bawat isa.

Ayon kay Chinese Foreign Ministry Spokesman Geng Shuang, mas dapat pagtuunan ng pansin ng Amerika at NoKor ang paglikha ng mapayapang kapaligiran sa pamamagitan ng dayalogo o negosasyon sa lalong madaling panahon.

Matatandaang nagsimula ang tensyoin sa pagitan ng dalawang bansa nang magpatuloy ang Hilagang Korea sa kanilang missile at nuclear testing na tinapatan naman ng mas pinabigat na sanction ng Amerika at pagpapadala ng kanilang US warship sa Korean Peninsula.

By Ralph Obina

Plano ng Tourism Promotions Board o TPB na gawing hollywood destination ang isla ng Boracay.

Ayon kay TPB Chief Operating Officer Cesar Montano, plano nilang kausapin ang mga beteranong hollywood directors at producers gaya nina Mel Gibson at Quentin Tarantino at ang Taiwanese Director na si Ang Lee na gumawa ng pelikula dito sa Pilipinas.

Sinabi ni Montano na kailangan lumikha ng memorandum of understanding kasama ang naturang mga personalidad upamng mai-promote ang turismo sa Pilipinas.

Inamin ni Montano na nakaapekto sa turismo ng bansa ang gulong hatid ng Abu Sayyaf kabilang sa mga lalawigan ng Bohol, Cebu at Davao.

By Ralph Obina

Arestado ang isang hinihinalang miyembro ng Abu Sayyaf Group na nasugatan makaraang maka-engkwentro ng militar sa Bohol.

Ayon kay AFP o Armed Forces of the Philippines Spokesperson Brig. General Restituto Padilla, kinilala ang suspek sa alyas na Abu Saad na naaresto sa barangay Tan-awan.

Matatandaang nagpapatuloy ang pagsuyod ng militar sa mga bayan ng Tubigon, Clarin at Inabanga matapos ang pagpasok sa lalawigan ng mga miyembro ng Abu Sayyaf noong Mahal na Araw.

By Ralph Obina

Idinepensa ni Cong. Ronnie Zamora ang desisyon ng nakararami sa Commission on Appointments o CA na ibasura ang nominasyon ni Gina Lopez bilang kalihim ng DENR o Department of Environment and Natural Resources.

Ayon kay Zamora, hindi sapat ang passion ni Lopez na pangalagaan ang kalikasan para pangasiwaan ang DENR.

Mas mahalaga pa rin anya ang kaalamang teknikal at karanasan dahil ang nakasalalay sa usapin ang kabuhayan ng libo-libong manggagawa.

Binigyang diin ni Zamora na hindi katanggap-tanggap ang ginagawang pag-ban ni Lopez sa ilang mining companies dahil lamang sa hindi niya gusto ang paraan ng pagmimina ng mga ito.

Si Zamora ang Vice Chairman ng Commission on Appointments Committee on Environment.

Matatandaan na umani na rin ng pagbatikos si Zamora dahil nasa negosyo ng pagmimina ang kanyang kapatid.

By Len Aguirre | Karambola (Interview)