LATEST NEWS

Monthly Archives

June 2026

Sharon Cuneta nagpasyang mag-break muna sa Showbiz

written by DWIZ 882

sharon cuneta

Nagdesisyon ngayon si Megastar Sharon Cuneta na magbreak muna pansamantala sa showbiz.

Ito ay sa harap ng hectic niyang schedule.

Inamin ni Sharon na grabeng pagod at sakit sa katawan ang kanyang ininda dahil sa sobra-sobrang pagtatrabaho bukod pa sa limitado na rin ang oras nito sa pamilya.

Matatandaang katatapos lamang ng pagiging hurado ni Sharon sa Your Face Sounds Familiar habang kasalukuyan itong coach sa The Voice Teens.

By Ralph Obina

May 4, 2017 0 comment

San Antonio Spurs naitabla ang serye kontra Houston Rockets

written by DWIZ 882

San Antonio Spurs All-Star Forward Kawhi Leonard hindi makakalaro sa NBA preseason

Naitabla ng San Antonio Spurs ang Game 2 ng Western Conference Semifinals kontra Houston Rockets.

Dinurog ng Spurs ang Rockets sa iskor na 121-96.

Muling binuhat ni Kawhi Leonard ng Spurs sa pamamagitan ng tatlumput apat (34) na puntos nito.

Dahil dito kapwa may tig isang panalo na ang Spurs at Rockets.

Ang Game 3 ay gaganapin sa Sabado, oras sa Pilipinas.

By Ralph Obina

May 4, 2017 0 comment

Dating DENR Sec. Lopez hihirit sa Pangulo na wag hayaang masibak ang mga inilagay nyang tao sa DENR

written by DWIZ 882

Tiwala si Secretary Gina Lopez na magpapatuloy ang mga sinimulan nyang programa at mga pagbabago sa Department of Environment and Natural Resources (DENR).

Ito ayon kay Lopez ay dahil nakapagtanim sya ng magagaling at magpakakatiwalaang mga tao sa loob ng ahensya.

PAKINGGAN: Pahayag ni dating DENR Secretary Gina Lopez

Maliban sa Pangulong Rodrigo Duterte, walang maisip na iba si Lopez kung sino ang puwedeng pumalit sa kanya matapos na ibasura ng Commission on Appointments (CA) ang kanyang nominasyon bilang kalihim ng DENR.

PAKINGGAN: Bahagi ngpahayag ni dating DENR Secretary Gina Lopez sa panayam ng DWIZ

Nangyaring botohan sa nominasyon ni Gina Lopez bilang kalihim ng DENR kakaiba – Sen. Aquino

Kakaiba para kay Senador Bam Aquino ang nangyaring botohan sa nominasyon ni Gina Lopez bilang kalihim ng Department of Environment and Natural Resources.

Ayon kay Aquino, silang mga nasa oposisyon pa ang sumuporta kay Lopez samantalang mga kaalyado ng Pangulong Rodrigo Duterte ang humarang na makumpirma ang appointee ng Pangulo.

Sinabi ni Aquino na isang pagpapatunay ito na boboto ang oposisyon sa anuman o sinuman na makakabuti sa bayan.

Una nang sinabi ni Lopez na mas umiral ang interest sa negosyo at pulitika sa botohan sa Commission on Appointments o CA kaya’t naibasura ang kanyang nominasyon bilang DENR Secretary.

By Len Aguirre |With Report from Cely Bueno

May 4, 2017 0 comment

Mga pag-atake ng NPA habang umiiral ang peacetalks pormal nang inireklamo ng Gov’t Peace Panel

written by DWIZ 882

bello-0907

Pormal nang naghain ng reklamo ang Government Peace Panel laban sa ginagawang pag-atake ng NPA o New People’s Army kahit umiiral ang peacetalks.

Ayon kay Government Chief Negotiator Silvestre Bello lll, inihain nila ang reklamo sa pamahalaan ng Norway bilang 3rd party facilitator sa peacetalks sa pagitan ng pamahalaan ng Pilipinas at NDFP o National Democratic Front of the Philippines.

Sinabi ni Bello na nakatakda rin syang makipag kita sa mga lider ng NDFP upang marinig ang kanilang paliwanag.

Binigyang diin ni Bello na lumalabas na wala nang kontrol ang NDFP sa NPA dahil patuloy ang ginagawa nilang pag-atake sa kabila ng usapang pang kapayapaan.

By Len Aguirre

May 4, 2017 0 comment

200K Pinoy namamatay kada taon dahil sa alta presyon – DOH

written by DWIZ 882

Umaabot sa dalawandaang libong (200,000) Pilipino ang namamatay kada taon dahil sa alta presyon.

Batay sa datos mula sa Department of Health o DOH, pumapalo sa labing dalawang (12) milyong Pilipno ang mayoong alta presyon at halos kalahati o apat (4) sa limang (5) Pinoy ang hindi alam ang kanilang kundisyon.

Ayon kay Health Secretary Paulyn Ubial, maituturing na high risk at walking time bomb ang isang tao na mayroong hypertension dahil anumang oras ay puwede itong umatake at magkaroon ng kumplikasyon sa puso at iba.

Hinikayat ni Ubial ang taongbayan na ugaliing magpakuha ng blood pressure sa mga health centers.

By Len Aguirre |With Report from Aya Yupangco

May 4, 2017 0 comment

Hindi lamang sa Metro Manila makikita ang ‘The Best and The Brightest’ – Pimentel

written by DWIZ 882

Isang magandang senyales ang resulta ng 2016 Bar Examination kung saan pawang mga graduates sa probinsya ang nakasama sa Top 10.

Ayon kay Senate President Koko Pimentel, isang pagpapatunay ito na hindi lamang sa Metro Manila makikita ang The Best and The Brightest.

Maganda anyang magamit ang oportunidad na ito upang mahikayat ang mga mag-aaral na sa kanilang probinsya ipagpatuloy ang higher education.

Kasabay nito ay hinikayat ni Pimentel ang mga bagong abogado na sa kani-kanilang probinsya mag practice upang makatulong sa pag-unlad ng kanilang lugar.

By Len Aguirre |With Report from Cely Bueno

May 4, 2017 0 comment

Pagpataw ng excise tax sa mga produktong petrolyo haharangin ni Sen. Recto

written by DWIZ 882

RALPH RECTO 1

Haharangin ni Senador Ralph Recto ang pagpasa sa pagpataw ng mas mataas na excise tax sa mga produktong petrolyo sa sandaling i-akyat ito sa senado.

Ayon kay Recto, pabor sya sa ibang nilalaman ng Comprehensive Tax Reform Program o CTRP ng pamahalaan maliban sa excise tax sa mga produktong petrolyo.

Sinabi ni Recto na tiyak na dadaan sa butas ng karayom ang panukala kapag nakarating na ito sa senado at ngayon pa lamang ay pinaghahandaan na nya ang mainit na debate rito.

Una rito, lumusot na sa ikatlong pagbasa ng House Ways and Means Committee ang CTRP kung saan nakapaloob ang pagtanggal at pagbawas sa buwis na binabayaran ng mga ordinaryong manggagawa, pagtaas ng excise tax sa produktong petrolyo at sa mga sasakyan at paglalagay ng limitasyon sa masasakop ng vat exemption.

By Len Aguirre |With Report from Cely Bueno

May 4, 2017 0 comment

PNP Chief Dela Rosa nag-sorry sa CHR

written by DWIZ 882

bato (jonathan andal)

Nag sorry si Philippine National Police o PNP Chief Director General Ronald Dela Rosa sa CHR o Commission on Human Rights.

Kaugnay ito sa emosyonal nyang reaksyon matapos matuklasan ng CHR ang sikretong kulungan sa Maynila.

Ayon kay Dela Rosa, natural na emosyon lamang ang kanyang ipinakita bilang isang ama na nagtatanggol sa kanyang mga anak.

Gayunman, sinabi ni Dela Rosa na alam nyang ginagawa lamang ng CHR ang kanilang trabaho.

Sinabi ni Dela Rosa na hahanapan nya ng oras para makaharap ang mga tiga CHR upang pag-usapan ang isyu.

Una rito, emosyonal na hinamon ni Dela Rosa ang CHR na araw-araw inspeksyunin ang lahat ng lulungan sa bansa at hindi isang araw lamang na anya ay tila pakitang tao lamang na itinaon pa sa kasagsagan ng ASEAN Summit.

Natuklasang ‘secret jail’ sa MPD Station 1 sisiyasatin ng House Committee on Human Rights

Sisiyasatin ng House Committee on Human Rights ang natuklasang secret jail sa Station 1 ng Manila Police District o MPD.

Nakabatay ito sa resolusyong inihain ni Congressman Teddy Baguilat.

Sa kanyang resolusyon, sinabi ni Baguilat na dapat magpaliwanag ang mga opisyal ng PNP kung bakit mayroong secret jail sa kanilang himpilan.

Maliban sa mga opisyal ng PNP sa Station 1 nais rin ni Baguilat na ipatawag sa imbestigasyon si PNP Chief Director General Ronald Dela Rosa.

By Len Aguirre |With Report from Jonathan Andal / Jill Resontoc

May 4, 2017 0 comment

3 barko ng iba’t ibang ahensya ng PH tumulak na sa Benham Rise

written by DWIZ 882

Tumulak na patungong Benham Rise ang tatlong (3) barko ng iba’t ibang ahensya ng Pilipinas para sa ikatlong expedition sa Benham Rise.

Kasama sa expedition ang BRP Malapascua ng Philippine Coast Guard (PCG), isang barko ng BFAR o Bureau of Fisheries and Aquatic Resources at isa pa na magmumula pa sa Aparri Cagayan.

Target ng panibagong expedition na maabot ang pinakamababaw na bahagi ng labing tatlong (13) milyong ektarya ng Benham Rise.

Patuloy ang ginagawang pag-aaral ng mga eksperto mula sa BFAR at Department of Agriculture sa tubig, uri ng mga isda, corrals at iba pa upang makatulong sa food sustainability ng Pilipinas.

By Len Aguirre |With Report from Aya Yupangco

May 4, 2017 0 comment

MICC tuloy ang pagrepaso sa mga pinasok na kontrata ng gov’t sa mga mining companies

written by DWIZ 882

MINING FIRM

Tuloy ang pagrepaso ng MICC o Mining Industry Coordinating Council sa mga pinasok na kontrata ng pamahalaan sa mga mining companies.

Tiniyak ito ni Finance Undersecretary Bayani Agabin, legal affairs head ng MICC matapos ibasura ng Commission on Appointments o CA ang nominasyon ni Gina Lopez bilang kalihim ng Department of Environment and Natural Resources (DENR).

Kasalukuyang isinasalang sa review ng MICC ang may pitumpu’t limang (75) kumpanya ng minahan na ipinasara, kinansela o pinatawan ng suspensyon ni Lopez dahil sa di umano’y paglabag sa batas ng pagmimina.

Anakpawis pinababantayan ang mga ipinasarang minahan ni dating DENR Sec. Gina Lopez

Pinababantayan ng Anakpawis ang mga ipinasarang minahan ni dating DENR Secretary Gina Lopez.

Nagpahayag ng pangamba si Anakpawis Party-list Representative Ariel Casilao na baka samantalahin ng mga mining companies ang hindi pagpasa ni Lopez sa Commission on Appointments.

Ito anya ang mga panahon na dapat maging mapagbantay ang taongbayan lalo na ang mga mamamayan sa lugar kung saan talamak ang paglabag ng mga minahan.

By Len Aguirre |With Report from Aileen Taliping / Aya Yupangco

May 4, 2017 0 comment

Newer Posts

Older Posts