June 2026

Dapat makasuhan sa lalong madaling panahon ang mga nasa likod ng sindikato ng laglag bala sa Ninoy Aquino International Airport o NAIA.

Ayon kay Senador Alan Peter Cayetano, mahalagang mapanagot sa batas ang mga taong responsible sa extortion activities sa naia upang hindi na aniya makaperwisyo pa sa mga inosenteng tao.

Una rito, hinamon ni Cayetano ang mga airport official sa hulihin sa loob ng 48 oras ang sindikato ng tanim bala sa NAIA at kung mabibigo aniya ang mga ito, makabubuting magbitiw na lamang ang mga ito sa kanilang puwesto.

By   Ralph Obina | Cely Bueno (Patrol 19)  

Dismayado si Senadora Loren Legarda sa mabagal na paggamit ng pamahalaan sa P15 bilyong pisong disaster relief funds para sa mga sinalanta ng kalamidad.

Ayon sa kay legarda na siyang Chairperson ng Senate Committee on Finance and Climate Change, ito’y dahil sa walang kapasidad ang mga ahensya ng gobyernong may hawak sa nasabing pondo na gamitin sa mabilis na paraan.

Dahil dito, pinagpapaliwanag ni Legarda ang mga ahensya ng pamahalaan kung bakit hindi nagamit agad ang quick response fund at ang disaster relief funds bago pa man maaprubahan ang panukalang pambansang budget para sa susunod na taon.

Batay sa datos ng Department of Budget and Management o DBM, P10.28 billion pesos ang natira sa pondo National Disaster Risk Reduction and Management Council o NDRRMC nitong nakalipas na buwan ng Setyembre.

Bukod pa aniya ito P6.7 billion pesos na quick response fund ngayong 2015 kung saan, P5.4 billion pesos dito ang hindi pa nagagamit.

By Jaymark Dagala 

Patay ang isang Pilipinang doktor matapos masagasaan sa bansang Bahrain.

Batay sa ulat ng Gulf Daily News, nangyari ang aksidente noong Oktubre 29 sa bahagi ng Budaiya Highway bayan ng Jidhafs.

Sa kuha ng CCTV, naglalakad lamang hindi pa pinangalanang Pinay nang umandar ang nakaparadang 16 wheeler truck kaya’t nasagasaan ito.

Naipaalam na ng embahada ng Pilipinas sa Bahrain ang nangyari sa pamilya ng biktima.

By  Jaymark Dagala  

Nilamon ng apoy ang gusali ng Tulay ng Kabataan Foundation sa Quezon City.

Nagsimula ang sunog pasado ala-5:00 kaninang umaga sa panulukan ng K-H at K-7th Street, West Kamias Road.

Mahigit kalahating oras lamang tumagal ang sunog dahil mabilis namang nakaresponde ang mga pamatay sunog.

Sa nasabing gusali kinakalinga ang mga kabataang inabandona o hindi na kayang alagaan ng kanilang mga magulang.

Wala namang naitalang nasaktan sa nasabing insidente.

By  Jaymark Dagala  

Pinaghahatak na ng mga tauhan ng Metropolitan Manila Development Authority o MMDA at ng PNP Highway Patrol Group ang mga sasakyang nakabara sa mga tinatawag na Mabuhay Lanes.

Ito rin ang gagamitin ng mga awtoridad bilang Christmas lanes upang maibsan ang trapiko sa EDSA ngayong Kapaskuhan.

Partikular na binagbabatak ang mga nakaparadang sasakyan mula sa bahagi ng North Luzon Expressway sa Balintawak Cloverleaf, Monumento, A.De Jesus, C-3 Road at A.bonifacio sa Caloocan.

Gayundin ang Mayon Avenue sa Quezon City patungo ng Welcome Rotonda.

Bukod sa mga four-wheeled vehicles babatakin din ng mga otoridad ang mga motorsiklong nakaparada sa nasabing mga kalsada.

By Jaymark Dagala

Walang natatanggap na impormasyon ang Armed Forces of the Philippines (AFP) kaugnay sa planong pananabotahe ng mga terorista sa nalalapit na APEC Summit sa Metro Manila.

Ayon kay AFP Chief of Staff General Hernando Iriberri, tuluy tuloy ang kanilang pakikipag-ugnayan sa international community hinggil sa seguridad ng gaganaping pagpupulong na dadaluhan ng lider ng iba’t ibang bansa.

Tiniyak ni Iriberri na ginawa ang lahat ng contingency para sa seguridad.

Kumpiyansa rin ang AFP Chief na mapapanatili nila ang tagumpay ng pinaka-highlight ng APEC Leaders Summit sa buwang ito, katuwang ang Philippine National Police.

By  Meann Tanbio | Jonathan Andal