Inaprubahan na ng Department of Transportation – Civil Aeronautics Board ang pagkakaroon ng dalawampung porsyentong diskwento ang mga Senior Citizens at Persons with Disabilities o PWDs kapag sila ay magbo-book ng domestic flight online.
Sa kasalukuyan kasi pinagkakalooban ng diskwento ang mga senior citizens at may mga kapansanan ngunit kung ito lamang ay personal na transaksyon.
Batay sa nasabing resolusyon , kailangan lamang ilagay ang detalye ng pasaherong Senior o PWD’S kabilang dito ang petsa at ID number ng kanilang Senior Citizen o PWD Card.
Dahil dito, inatasan na rin ng CAB ang mga airlines na ayusin ang kanilang website para sa kinakailangang sistema na para maiproseso ang dalawampung porsyentong diskwento ng mga senior at PWDs.
Gayunman nilinaw na hindi sakop ng nasabing diskwento ang iba pang bayarin tulad ng buwis na ipinatutupad sa ilalim ng domestic air travel.
Posted by: Robert Eugenio