Isinailalim na sa imbestigasyon ng Armed Forces of the Philippines o AFP ang dalawang retiradong sundalo dahil sa alegasyon ng umano’y pangingikil sa ilang lokal na opisyal.
Ayon kay AFP Public Affairs Police Chief Col. Edgard Arevalo, hinihinalang kabilang ang dalawa sa isang grupo na nanghihingi ng pondo para sa mga sundalo at beterano.
Paliwanag ni Arevalo, bina-blackmail ng mga ito ang kanilang mga binibigyan ng solicitation letter sa pamamagitan ng pananakot na may nalalaman silang anomalya o sikreto na kanilang ibubunyag.
Samantala, tumanggi naman si Arevalo na pangalanan ang dalawang retiradong sundalo at titiyakin aniya niyang hindi nila kukunsintihin ang anumang maling gawain ng mga ito.
—-
