Patay ang dalawa katao makaraang mahulog sa bangin ang sinasakyan nilang truck sa national highway sa Barangay Taloy Sur sa Tuba, Benguet.
Kinilala ang mga nasawi na sina Bobby Velayo at Alvin Garces, kapwa residente ng Nueva Ecija.
Batay sa imbestigasyon ng Tuba PNP, patungo sanang La Union ang truck na may dalang mga gulay nang mabangga ito sa isang poste ng kuryente.
Nakaligtas naman ang driver ng truck na kinilalang si Joe Pigson, ngunit nasa kritikal ito ngayong kundisyon sa Agoo Nazarene Hospital.
Patuloy naman ang isinasagawang imbestigasyon ng tuba pnp hinggil sa sanhi ng insidente.
—-
