Patay ang 2 miyembro ng Bangsamoro Islamic Freedom Fighters habang sugatan ang 2 pa nilang kasamahan sa serye ng bakbakan laban sa militar sa Maguindanao na nagsimula pa noong Lunes.
Ayon kay Capt. Arvin Encinas, tagapagsalita ng 6th infantry division ng Philippine Army, target ng kanilang oeprasyon ang mga miyembro ng BIFF Bungos faction sa Saydona Mustapha.
May narekober silang mga armas kabilang ang matatatas na kalibre ng baril mula sa mga kalaban.
Sinira naman ng militar ang makinang pagawaan ng baril ng mga bandido at ang isang pinagkukutaan ng mga ito.
