Pinangangambahang nasawi ang dalawang lalaki matapos tumaob ang sinasakyang bangka habang patawid ng Agno River sa Pangasinan kaninang umaga.
Kinilala ang mga nawawalang biktima na sina Jordan Muñoz, 19 anyos at Adrian Wyeth Carl Dela Cruz, 18 anyos.
Ayon sa mga otoridad, pauwi na sana ang dalawa sa kanilang bahay sa San Carlos City mula sa bayan ng Aguilar nang tangayin ng malakas na agos ng ilog ang kanilang sinasakyang bangka kahapon.
Nakaligtas naman ang kanilang kasamahan na si Rico Sudio, 21 taong gulang.
Sa kasalukuyan ay nagpapatuloy pa rin ang search and retrieval operations sa dalawa.
- Krista De Dios