Nagpositibo sa Coronavirus Disease 2019 (COVID-19) ang dalawang kandidata ng ika-69 na Miss Universe pageant , isang buwan bago ang mismong araw ng patimpalak.
Batay ito sa instagram post ng dalawang kalahok na sina Adline Castelino ng India at ni Alina Akselrad ng Argentina kung saan kinumpirma ng dalawa na kontaminado sila ng naturang virus.
Ayon kay Akselrad, posibleng nahawaan siya ng isang lalaki sa isang pamilihan kung saan nakita niya itong umuubo at mali ang pagkakasuot ng facemask subalit tiwala naman aniya siyang gagaling siya mula rito sa tulong ng Diyos.
Samantala, nagpahayag naman ng kasiguraduhan si Ms. Castelino sa kanyang mga followers na siya ay naka-quarantine na at sinusunod ang mga dapat gawin upang gumaling.
Matatandaang,nasa Florida na ang pambato ng Pilipinas sa naturang patimpalak na si Rabiya Mateo.—sa panulat ni Agustina Nolasco
