ARESTADO ng mga tauhan ng Philippine National Police – Highway Patrol Group o PNP-HPG ang 2 kilabot na con-artist na sangkot sa “rent-tangay” carnapping modus.
Kinilala ang mga suspek na sina Baeatrice PIA white, alyas Janelle Consunji na asawa umano ng PBA player na si Terrence Romeo gayundin si Efcel Reyes alyas Christine Martinez.
Naaresto ang dalawa matapos tanggapin ang P80,000 marked money mula sa biktimang si Manuelito Larin sa ikinasang entrapment operation ng pulisya sa Sta. Mesa, Maynila.
Nabatid na pinatutubos ng mga suspek sa biktima ang kaniyang 2019 Mitsubishi Mirage na tinangay matapos na rentahan sa kaniya.
Sa follow up investigation, lumitaw ang iba pang mga biktima ng dalawa sa natuklasang hiwalay na kaso ng large scale estafa.
Tinakbuhan umano ng dalawa ang 700 investors matapos na mamuhunan ng mahigit 80 milyong piso sa kanilang Multi-Level Marketing Company na AUREA ORGANICA INTERNATIONAL sa Quezon City.
