Arestado ang dalawang pinaghinihinalaang pusher ng shabu sa ikinasang buy-bus operation ng mga otoridad sa Bacoor, Cavite nitong Sabado, ika-4 ng Hulyo.
Kinilala ng Philippine Drug Enforcement Agency (PDEA) at ng Philippine National Police (PNP) ang mga suspek bilang sina Elma Razo, 43-taong gulang na negosyante at Ruel Dela Cruz, 42-taong gulang.
Naaresto ang mga ito sa Delate Homes 1 Subdivision sa Aniban 1, Bacoor City makaraang magbenta ng nasa 500-gramo ng ilegal na droga na tinatayang nagkakahalaga ng P3.4-milyon sa isang nagpanggap na buyer.
Kapwa mahaharap naman ang dalawang suspek sa kasong paglabag sa Comprehensive Dangerous Drugs Act of 2002.
