Dalawang Chinese coast guard vessel ang namataan sa bahagi ng Scarborough o Panatag shoal makaraang bumalik mula sa pangingisda ang mga Pilipino.
Ayon kay Defense Department Spokesman Arsenio Andolong, base sa salaysay ng mga mangingisda, hindi naman sila hinarass ng mga tsino sa Panatag.
Hindi rin anya hinarang ang mga Pinoy upang muling mangisda sa Bajo de Masinloc.
Una ng tiniyak ni Pangulong Rodrigo Duterte na maaari ng makapangisda ang mga filipino sa Panatag shoal matapos niyang kausapin si Chinese President Xi Jinping hinggil sa maritime dispute sa South China Sea.
By Drew Nacino
