Umabot na sa 300 milyong pisong halaga ang naitulong ng pamahalaan para sa mga naapektuhang residente bunsod ng kumalat na oil spill sa Oriental Mindoro.
Sa panayam ng DWIZ, sinabi ni Office of Civil Defense Undersecretary Ariel Nepomuceno na aminado siyang ang naitulong ng gobyerno ay hindi pa rin sapat para sa mga nawalan ng hanapbuhay dahil sa tumagas na langis.
Binigyang diin ni Usec. Nepomuceno na posibleng umabot ng dalawang buwan o higit pa ang ginagawang siphoning operations.
Habang kabilang sa operasyon ang pito hanggang sampung araw para sa evaluation, pitong araw sa pagdating ng mga kagamitan at dalawamput isang araw naman para sa aktuwal na operasyon.
Giit din ng opisyal na walang sariling equipment ang pamahalaan kaya’t mas nagiging mahirap ang sitwasyon. – sa panulat ni Maze Aliño-Dayundayon