Inisyuhan Ng Land Transportation Franchising and Regulatory Board (LTFRB) ang dalawang bus driver matapos bigong masunod ang standard health protocols na ipinatutupad ng pamahalaan.
Base sa imbestigasyon, maraming driver ang nagpupuno ng pasahero sa loob ng kanilang bus sa Edsa bus carousel station sa bahagi ng Muñoz, Quezon City.
Nabatid na umabot hanggang overpass ang pila ng mga pasahero sa naturang lugar kung saan, ang iba ay hindi umano sumusunod sa protocols kabilang na ang tamang pagsuot ng facemask at faceshield at ang pagsunod sa social distancing.
Sa ngayon, hinihingian na ng paliwanag ni LTFRB Chairman Martin Delgra ang dalawang nahuling bus driver.—sa panulat ni Angelica Doctolero
