Humarap sa Baybay Regional Trial Court ang 19 na pulis na sangkot sa pagkamatay ni dating Albuera Leyte Mayor Rolando Espinosa.
Ito’y para sa pagbabalik ng arrest warrant sa mga suspek, kabilang si dating CIDG Region 8 Chief Supt Marvin Marcos.
Ang mga suspek ay nahaharap sa kasong murder, robbery, at pagtatamin ng ebidensya kina Espinosa at isa pang inmate na si Raul Yap na pinatay din sa Leyte Sub-Provincial Jail.
Inaasahang ilalabas ngayong buwan ang rekomendasyon ng PNP Internal Affairs Service kaugnay ng kasong administratibo at grave misconduct laban sa mga naturang pulis.
By: Meann Tanbio
