Magbubukas ngayong araw ang Land Transportation Franchising and Regulatory Board (LTFRB) ng karagdagang 16 na ruta sa mga traditional jeepneys.
Sa inilabas na abiso ng LTFRB, narito ang mga karagdagang ruta:
- Mula EDSA/Shaw Blvd. hanggang E. Rodriguez sa Vargas Ave.
- Dapitan hanggang Libertad
- Del pan papuntang Guadalupe
- Divisoria hanggang Pasay rotonda
- Malanday papuntang Pier South, at iba pa.
Paliwanag ng LTFRB, dapat roadworthy o ‘yung mga nasa maayos na kondisyon ang mga pampublikong jeepneys, may valid at exisiting Certificate of Public Convenience (CPC) o application for extension of validity, at rehistrado sa passenger insurance policy lamang ang papayagang magbalik byahe.
Bilang kapalit ng Special Permit (SP), may QR code namang ibibigay sa bawat operator ng mga jeepneys, na siyang ilalagay ng mga ito sa kanilang mga unit.
Paalala ng LTFRB, sumunod sa patakaran ng ahensya, dahil sa sinumang lalabag rito ay mahaharap sa kaukulang parusa.