Nakatakas sa maximum security compound ng New Bilibid Prison sa Muntinlupa City kaninang madaling araw ang tatlong preso.
Kinilala ang mga ito na sina Arwin Bio, 35-anyos; Drakilou Yosores, 34-anyos; at Pacific Villacruz, 49-anyos.
Sa ulat ng Bureau of Corrections (BUCOR), pinagbabaril ng tatlo ang mga duty guard sa gate 4 at gate 3.
Sugatan naman ang tatlong correctional officers at isang preso na isinugod sa Ospital ng Muntinlupa.
Nagkasa na ng imbestigasyon ang mga awtoridad sa pangyayari at ipinakalat na ang Muntinlupa City Police’s Special Weapons and Tactics and the Tactical Motorcycle Riding para tugisin agad na madakip ang tatlong preso.
