Patay ang 15 katao matapos ang pamamaril ng mga armadong lalaki sa Sokoto State, Northwest Nigeria na sakop ng West Africa.
Base sa impormasyong nakuha ng mga otoridad, sinalakay ng mga armadong lalaki ang isang komunidad sa nasabing lugar ilang araw matapos ding patayin ang nasa 30 pang indibidwal.
Sa pahayag ni Gov. Aminu Tambuwal, isang buwan na ang nakalipas nang masawi din sa pamamaril ang apatnapu pang indibidwal sa isang mataong pamilihan sa Goronyo community sa nabanggit parin na lugar.
Ayon sa authorities and security analysts, kabilang sa mga armadong lalaki ay mga kabataan mula sa Fulani ethnic group na nagtatrabaho bilang nomadic cattle herders o mga nagpapastol ng mga baka.
Inaalam na ngayon ng mga otoridad kung mga miyembro ba ng FEG ang mga suspek sa naganap na pamamaril. —sa panulat ni Angelica Doctolero
