Labing-apat ang kumpirmadong nasawi makaraang mahulog sa bangin ang isang truck sa Brgy. Lamaslome, bayan ng Tboli, lalawigan ng South Cotabato.
Ayon kay P/LtC. Lino Capillan, tagapagsalita ng Police Regional Office 12, nangyari ang aksidente 10:35 kaninang umaga.
Gayunman, hindi pa matukoy kung ilan ang bilang ng mga nasugatan na agad dinala sa pagamutan at kung mayroon pang nasawi sa pinangyarihan ng aksidente.
Patuloy ang ginagawang imbestigasyon ng pulisya hinggil sa kung ano ang naging sanhi ng aksidente habang pinaghahanap pa ang driver ng naturang truck para isailalim sa pagsisiyasat.
