Tinatayang 12,000 pasahero na uuwi sa kani-kanilang probinsya ang inaasahang daragsa sa Araneta Center Bus Terminal sa Cubao, Quezon City, dalawang araw bago ang bisperas ng Bagong Taon.
Huling araw na ngayon ng trabaho para sa karamihan ng mga pasahero na nakatanggap na rin ng kanilang mga sweldo.
Kahapon ay nasa 10,000 mananakay ang sumakay sa mga bus sa nabanggit na terminal.
Samantala, pinayuhan naman ang mga pasahero na dumating sa mga bus station 3 oras bago ang kanilang pag-alis upang maiwasan ang aberya.
By: Drew Nacino
