Labing isang (11) modernong jeep ang hinuli ng mga otoridad dahil sa pamamasada ng iligal sa Commonwealth Avenue sa Quezon City kaninang umaga.
Sa ilalim ng anti-colorum operation ng Inter-Agency Council for Traffic pinuntirya ang mga sasakyang ito na hindi dapat bumi-biyahe sa naturang lugar.
Ayon kasi sa I-ACT at land transportation franchising and regulatory board, may provisionla authority na ang mga modern jeep para sa kanilang ruta.
Ngunit kailangan pa rin nilang mag-apply para sa QR code na kanilang ilalgay sa sasakyan bilang patunay na aprubado ang kanilang ruta.
Nabatid na sa ngayon ay mga bus ang pinapayagang pumasada sa Commonwealth.
