Nangangamba ang tinatayang isanlibong pulis mula sa Quezon City at kanilang mga kaanak sa posibleng panganib na idulot ng anti-dengue vaccine na Dengvaxia.
Ang mga naturang pulis at kanilang mga kaanak ay kabilang sa mga libreng binakunahan ng Dengvaxia.
Ayon Quezon City Police District Director, Chief Supt. Guillermo Eleazar, nakipag-tulungan na sila noon sa Philippine Children’s Medical Center o P.C.M.C. kaya’t tiyak nilang ligtas ang mga binakunahan.
Hindi naman anya pababayaan ng gobyerno ang mga pulis na binakunahan maging ang kanilang mga kaanak.
Samantala, tiniyak din ng P.C.M.C. na nagpapatuloy ang kanilang monitoring sa lahat ng nakatanggap ng anti-dengue vaccine.