Sumampa na sa 1,461,749 ang kabuuang bilang ng mga gumaling sa COVID-19 sa buong bansa.
Ito’y makaraang makapagtala ang Department of Health (DOH) ng 6,778 na bagong recoveries.
Batay sa datos ng DOH, nakapagtala naman ito ng 6,216 na bagong impeksiyon kaya’t umakyat na sa 1,543,281 ang total cases sa bansa.
Sa nasabing bilang, nasa 54,401 ang mga aktibong kaso.
Samantala, sumirit naman sa 27,131 ang death toll kasunod ng pagpanaw ng mahigit dalawang daang pasyente (241).
