100% nang nakasunod ang Manila Police District sa panawagang courtesy resignation ni Deparment of the Interior and Local Government Secretary Benhur Abalos.
Ito’y ayon kay MPD Director PBGen. Andre Dizon kung saan sinabi nito na lahat ng third level officers ay nakapagsumite na ng courtesy resignation.
Una nang sinabi ni Abalos na ang nasabing hakbang ay bilang bahagi ng paglilinis sa hanay ng PNP kaugnay sa illegal drug.
Nananatili naman aniyang mataas ang morale ng MPD at sinabi nito na nagpapatuloy ang kanilang pagsasagawa ng drug testing upang mapatunayang walang gumagamit ng iligal na droga sa kanilang hanay.
