Dead on arrival ang driver ng isang van matapos sumalpok sa nakaparadang pampasaherong jeep sa bayan ng Pavia, Iloilo.
Kinilala ng Iloilo PNP ang nasawi na si Rogelio Lebuna, 50 anyos
Ayon sa Pavia PNP, tinatahak ng van na minamaneho ng biktima ang old Iloilo-Capiz road nang sa hindi malamang dahilan ay bumangga ito sa likurang bahagi nang nakatigil na jeep sa gilid ng highway.
Sa lakas ng impact, naipit ang biktima sa driver seat at umabot pa ng halos isang oras bago tuluyang naalis ng mga rescuer
Isinugod ito sa ospital maging ang 8 pang sakay ng van na nasugatan din sa aksidente subalit idineklara nang dead on arrival ang driver.
Nasa ligtas naman ng kalagayan ang mga nasugatang pasahero
