Tinanggap na ng COMELEC En Banc ang pagbibitiw ni Commissioner Christian Robert Lim bilang pinuno ng Campaign Finance Office.
Kinumpirma ito ni COMELEC Chairman Andres Bautista matapos ang kanilang sesyon.
Ayon kay Bautista, tinanggap ng COMELEC En Banc ang resignation ni Lim nang may panghihinayang.
Matapos magbitiw ni Lim, itinalaga na si Executive Director Jose Tolentino bilang officer in charge ng Campaign Finance Office.
Kahapon pormal na nagbitiw si Lim matapos isantabi ng COMELEC En Banc ang rekomendasyon ng kanyang tanggapan na huwag palawigin ang filing ng SOCE.
By: Avee Devierte
