Nawawala pa rin ang katawan ng pinugutan na bihag ng Abu Sayyaf na si Robert Hall.
6 na araw simula nang matanggap ng militar ang ulat ng pamumugot sa nasabing Canadian, sinabi ni AFP Spokesman Major Filemon Tan Jr. nagsusumikap pa rin sila upang ma-recover ang katawan ni Hall.
Mahalaga aniyng mahanap ang katawan ni Hall upang maibalik sa pamilya nito sa Canada.
Sa ngayon, dalawang lugar na ang kanilang napuntahan base sa mga tip na nakuha ngunit hindi natagpuan doon ang katawan ng Canadian.
Ayon kay Tan, sadyang nililito ng Abu Sayyaf ang militar upang maibaling ang tuon nito palayo sa opensiba laban sa bandidong grupo.
By: Avee Devierte
