Napatay ng mga pulis ang isang hinihinalang tulak ng droga sa Cabuyao, Laguna.
Kinilala ng mga undercover na pulis ang pinaslang na si Alyas Zenkie.
Naganap ang pamamaril mag a-7 ng gabi sa Baranggay Bigaa sa gitna ng buy bust operation kung saan si Zenkie umano ang unang bumaril.
Samantala, iniimbestigahan pa ang lugar kung saan nangyari ang umano’y shootout.
Ayon sa mga pulis, kabilang si Zenkie sa listahan ng mga personalidad na sangkot sa iligal na droga.
Kaugnay nito, patay ang 2 hinihinalang tulak ng iligal na droga sa isang buy bust operation sa Calamba, Laguna.
Ayon sa mga Pulis, nabaril kagabi sa Baranggay Banlic ang 21 anyos na si Aljon Andres at isang nagngangalang Rafael na kapwa kilalang drug pusher sa kanilang lugar.
Batay sa imbestigasyon, aarestuhin na ng mga pulis sina Andres nang paputukan sila ng mga ito.
Samantala, nakatakas naman ang isa pang suspect na kinilalang si Sargot sakay ng isang motorsiklo.
Nakuha mula sa mga napaslang ang 6 na sachet ng hinihinalang shabu at dalawang baril.
By: Avee Devierte