Nilinaw ng kampo ni Vice President-elect Leni Robredo na malabong isagawa ang oath taking ceremony nito kasabay ng panunumpa ni President-elect Rodrigo Duterte.
Ayon kay Boyet Dy, head ng transition team ni robredo, isasagawa ang inauguration ceremony para sa susunod na pangalawang pangulo sa Metro Manila hiwalay sa oathtaking ni Duterte.
Bagaman naghahanda anya sila para sa isang joint inauguration, ipinabatid sa kanila ng kampo ni Mayor Digong na pursigido itong hiwalay na isagawa ang kanyang inagurasyon.
Manunumpa si Robredo kay Ronaldo Coner, Chairman ng Barangay Punta Tarawal, Calabanga ang pinakamaliit at pinakamahirap na barangay sa Camarines Sur.
By Drew Nacino | Jonathan Andal (Patrol 31)
