Tiniyak ni Commission on Elections (COMELEC) Chairman Andres Bautista na magiging patas sila sa pagtrato sa mga kahilingan na palawigin ang deadline sa pagsusumite ng SOCE.
Sinabi ni Bautista na hindi lamang si Secretary Mar Roxas at ang Partido Liberal ang humiling nito at kanila nang ibinigay kay Campaign Finance Division Head Commissioner Christian Robert Lim ang mga kahilingan.
Ayon kay Bautista, kanila din aalamin kung ano ang magiging epekto kay Vice President-elect Leni Robredo ng kabiguan ng partido na magsumite ng kanilang SOCE.
Bahagi ng pahayag ni COMELEC Chairman Andres Bautista
Vote buying
Iminungkahi ni Commission on Elections (COMELEC) Chairman Andres Bautista ang pagkakaroon ng malalimang imbestigasyon hinggil sa vote buying.
Ayon kay Bautista, ito ay dahil napakadaming paraan para bumili ng boto.
Naniniwala din si Bautista na matutuldukan lang ang problema sa vote buying kung gaganda ang ekonomiya ng bansa at matutugunan na ng pamahalaan ang lahat ng pangangailangan ng mamamayan.
Bahagi ng pahayag ni COMELEC Chairman Andres Bautista
By Katrina Valle | Karambola
