Ibinasura ng Supreme Court ang isa pang petisyon ni Janet Lim-Napoles na kumukontra sa desisyon ng Ombudsman na nagdiriin sa kanya sa 10 Billion Peso Pork Barrel Fund Scam.
Partikular na ibinasura sa isinagawang En Banc Session ang petisyon ni Napoles laban sa june 22, 2015 decision at February 10, 2016 resolution ng Tanodbayan, kung saan nakahanap ng probable cause upang idiin siya sa 2 counts of graft sa ilalim ng section 3-e ng Republic Act 3019 at 2 counts f Malversation of Public funds sa ilalim ng article 217 ng revised Penal Code.
Inihayag ni Atty. Theodore Te, Spoksman ng SC. na pinagtibay naman ang findings of probable cause ng Ombudsman laban kay dating Davao Del Sur Rep. Marc Douglas Cagas IV kaugnay pa rin sa mali umanong paggamit sa kanyang Priority Development Assistance Fund.
Nag-ugat ang mga kaso sa isinumiteng detalye ng National Bureau of Investigation sa Ombudsman kaugnay sa paggamit ni Cagas ng kanyang PDAF noong 2007 hanggang 2009.
By: Drew Nacino
