Inamin ni Cavite Congressman Elpidio Barzaga na mayroong mga nabago sa BBL o Bangsamoro Basic Law.
Gayunman, sinabi ni Barzaga na 90 porsyento ng panukalang batas ang hindi naman nabago at nabigyan ang lahat ng pagkakataong makapagpasok ng amyenda.
Nagkataon lamang aniya na dahil umiiral ang demokrasya, malaya rin ang lahat ng piliing iboto ang kanilang gusto.
Una nang binatikos nina Cong. Celso Lobregat ng Zamboanga City at Partylist Representative Neri Colmenares ang mga nasingit na probisyon sa BBL makaraang pulungin di umano ng Pangulong Noynoy Aquino ang ilang mga kongresista sa Malacañang.
“Bagamat meron konting pagbabago, binigyan naman natin ng laya ang ating mga kasamahan katulad ni Congressman Lobregat na magkaroon ng mga proposal, siyempre sa demokrasya hindi naman porke’t meron kang proposal, automatically tatanggapin na natin yun, hindi natin masasabi na yun ay railroading, sapagkat ang tunay na proseso sa demokrasya ay ang the rule of majority.” Pahayag ni Barzaga.
By Len Aguirre | Kasangga Mo Ang Langit