Tiniyak ng pamahalaan na hindi nito tatantanan ng puwersa nito ang bandidong Abu Sayyaf.
Kahit pa pinalaya na ang 10 Indonesian national na binihag ng grupo noong buwan ng Marso.
Ayon mismo kay Pangulong Beningo Aquino III, panahon na upang matuldukan ang paghahasik ng karahasan ng nasabing grupo dahil matagal na silang nanggugulo sa bansa.
Binigyang diin pa ng Pangulo na hindi siya mangingiming gamitin ang puwersa ng estado sa mga grupong ayaw dumaan sa pakikipag-usap bagama’t bukas sila sa anumang mahinahong paraan para matamo ang kapayapaan lalo na sa Mindanao.
By Jaymark Dagala | Aileen Taliping (Patrol 23)
