Ikinakasa na ng Department of Justice (DOJ) ang pagbabalik sa Bangladesh government ng ninakaw sa kanilang pera na nagkakahalaga ng 81 million dollars.
Inihayag ito ni DOJ OIC Sec. Emmanuel Caparas makaraang bisitahin siya ni Bangladesh Ambassador to the Philippines John Gomes.
Hiniling ni Gomes sa DOJ ang agarang pagbabalik ng ninakaw na pera sa kanilang bansa sa pamamagitan ng cyberhacking.
Binigyang diin ni Caparas, kailangan lamang nilang makatiyak na daraan sa tama at ligal na proseso ang pagbabalik ng ninakaw na salapi ngunit sisikapin nilang mapabilis ito kaysa sa inaasahan.
By Jaymark Dagala
