Inihayag ni Speaker Ferdinand Martin Romualdez na agad aaksyon ang Kamara de Representantes sa mga panukalang batas na binanggit ni Pangulong Ferdinand ‘Bongbong’ Marcos Jr. sa kanyang ginanap na State of the Nation Address (SONA).
Ayon kay Romualdez, inilatag ng punong ehekutibo ang roadmap ng kanyang pamumuno sa susunod na anim na taon at susuportahan ito ng kamara.
Sinabi pa ni Romualdez na malinaw na ang gusto ni PBBM na buhayin ang ekonomiya at malaking bahagi nito ay ang pagpaparami ng produksyon ng pagkain sa bansa.
