Aabutin pa ng hindi bababa sa 2 linggo bago muling makapaglaro si Stephen Curry.
Ito ay matapos mapag-alaman na ang nangyari kay Curry ay grade 1 sprain ng MCL o medial collateral ligament sa kanyang kanang tuhod.
Ayon kay Bob Myers, General Manager ng Golden State, maituturing nilang good news ang naturang development dahil hindi na kakailangan ni Curry na sumalang sa MRI.
Ang grade 1 MCL injury ay kadalasang gumagaling sa loob ng isa hanggang tatlong linggong pamamahinga o home treatment na may kasamang paggamit ng saklay.
Si Curry ay nagkaroon ng MCL injury sa first half ng kanilang laban kontra Houston nitong linggo.
By Katrina Valle