Muling nanaig si 8-Division World Champion Manny Pacquiao sa ikatlong sagupaan nila ni Timothy Bradley na ginanap sa MGM Grand Arena sa Las Vegas, Nevada.
Nagwagi si Pacman sa pamamagitan ng unanimous decision mula sa tatlong boxing judges sa nagbigay ng score na 116-110.
2 beses na pinabagsak ni Pacquiao si Bradley sa 7th at 9 rounds.
Ang matinding counter punch at upper cut ni Pacquaio ang nagpabagsak kay Bradley.
Matapos ang laban, sinabi ni Manny na lumabas ang kanilang pinagpraktisan ni coach Freddie Roach kung paano talunin muli sa third fight si Bradley.
Dahil sa panalo, matatapos ang boxing career ni Pacquaio na may kartadang 58 wins-6 losses at 3 draws.
Matatandaang idineklara na ng Pinoy ring icon na ang laban nya kay Bradley ang kanyang huling laban at tuluyan na itong sasabak sa pulitika.
Ayon kay Pacquiao, babalik siya sa Pilipinas upang magserbisyo at tumulong sa mga mahihirap na mga kababayan.
Samantala, aminado naman si Bradley na mas mabilis, eksplosibo at mas malakas na Pacquiao ngayon ang kanyang kinaharap.
By: Mark Gene Makalalad