Dalawang sibilyan ang nasugatan sa pamamaril na nangyari sa isang bus station sa Virginia.
Habang patay naman ang suspek matapos makipagpalitan ng putok sa mga awtoridad.
Ayon sa report, bumunot ng baril ang suspek at pinaputukan ang nakasalubong nitong pulis sa naturang istasyon ng bus.
Agad namang gumanti ng putok ang pulis at maging ang ilan pang mga alagad ng batas na nasa lugar.
Nagawa pang maisugod sa ospital ang sugatang suspek ngunit binawian rin ito ng buhay.
Kasalukuyan namang nagpapagaling sa ospital ang mga nadamay na sibilyan.
By Ralph Obina
