Dedesisyunan na ng Department of Justice (DOJ) ang kasong illegal possession of firearms at paglabag sa election gun ban na kinakaharap ni Marine Lt. Col Ferdinand Marcelino.
Ang nasabing reklamo ay isinampa ng PNP-Anti Illegal Drugs Group laban kay Marcelino.
Ayon kay Assistant State Prosecutor Jhon Michael humarang, ang piskal na may hawak ng kaso, matapos na makapaghain si Marcelino ng kanyang kontra-salaysay noong March 15, gayundin sa isinagawang clarificatory hearing kahapon ay idineklara na nilang submitted for resolution ang kaso.
Samantala, ipinauubaya na ni humarang kay Prosecutor General Claro Arellano ang pagdedesisyon kaugnay sa kahilingan ng kampo ni Marcelino na mai-consolidate ang kasong paglabag sa Republic Act 9165 o Comprehensive Dangerous Drug Act of 2002 na hawak naman ni Senior Deputy State Prosecutor Theodore Villanueva.
By Meann Tanbio | Bert Mozo (Patrol 3)